Pyar ki Kavita...

Kyaon kahin ham khuda nahi milta

Hamko apna pata nahi milta
Kyaon kahin ham khuda nahi milta

Ae shab-e-hijr teri umr daraaz
Tujhsa dard aashna nahi milta

Dosti teri saari dunya se
Mujhse kyaon dil tera nahi milta?

Ho gae gham se is tarha manos
Ab khushi mein maza nahi milta

Khud hi kahete hain khud hi sunte hain
Jab koi dosra nahi milta

Ishq mein kya rakha hai ye mat poch
Dekh ye is mein kya nahi milta!

Kho gaya is tarha mein apne me
Dhondta hoon pata nahi milta

Maekadon mein janab-e-sarwer
Ek bhi parsa nahi milta…

Aap aatey hain to milney se khushi hoti hai

Aap aatey hain to milney se khushi hoti hai
Haey kya cheez mohabbat ki ghadi hoti hai

Dil jo duniyan se utha to mila khud ka pata
Bekhudi may bhi nehan rasm-e-khudi hoti hai

Manzil-e-ishq ki asaaniyan ALLAH ALLAH
Sahel samjho jisey dushwaar wohi hoti hai

Main jo hansta hoon to koi nahi hansne wala
Aur rota hoon to duniyan ko khushi hoti hai

Ihsq may hosh udey jab to samajh may aaaya
Zamin-e-hosh yehi bekhabri hoti hai

Lakh dil us se lagao bhi to hota kya hai?
Dost kis ki bhala duniya-e-dani hoti hai

Ham ko shamsheer-o-silasil se darane walo!
Kahin aese bhi mohabbat may kami hoti hai?

Kya mazey aate hain phir sham-e-tamanna serwer
Main idhar aur udhar ashifta sari hoti hai…