Kya Baat Hai!!!!

kitabon ke panno ko palat kar sochta hu,
yu palat jaye zindagi to kya baat hai,

khwabon main roj milta hai jo,
haqiqat main aaye to kya baat hai,

kuch matlab k liye dhundte hai mujhe,
bina matlab aaye to kya baat hai,

katal kar ke to sab le jayenge dil mera,
koi baaton se le jaye to kya baat hai,

jo sharifon ki sharafat main baat na ho,
wo ek sharabi kah jaye to kya baat hai,

aapne rahne tak to khushi dunga sabko,
jo kisi ko meri mout pe khushi mil jaye to kya baat hai.

Ai dost jinn se hum ko tawaqo gulon kee thee,
Woh raaston mein khaar bakhere chale gaye,

Bass chandd hee dino ke thay dere chale gaye,
Khana –badosh log savere chale gaye,

Haath mein apne jaal sunehri liye hue,
Gehre samundron ke machhere chale gaye,

Kuchh maikade kee sammat gaye jhoomte hue,
Kuchh manchale faqeer ke dere chale gaye,

Pehle se abb kahan woh mohabbat ke roz-o-shab,
Shaamein chali gayi who savere chale gaye,

Ai dost jinn se hum ko tawaqo gulon kee thee,
Woh raaston mein khaar bakhere chale gaye,

Jo loot-te thay din ka saqoon raat ka qraar,
Kis desh ko woh haseen lutere chale gaye.

 

us ne kaha k mujh se tumhain kitna pyar hai
main ne kaha sitaroon ka koi shumar hai

us ne kaha kon tumhain hai buhat aziz
main ne kaha dil pe jisay ikhtyar hai

us ne kaha kon sa tuhfa hai man pasand
main ne kaha woh shaam jo ab tak udhaar hai

us ne kaha khiza main mulaqat ka jawaz
main ne kaha kurb ka matlab bahar hai

us ne kaha k senkroon gham zindagi main hain
main ne kaha gham nahi jab ghamgusaar hai

us ne kaha mujh ko yakeen aaye kis tarah
main ne kaha k naam mera Aitebar hai…!

Koi miltaa hi nahin humse hamara ban kar,
Tum mile bhi to bohut duur kinara ban kar,

Har aik ummid nigahon se chhalak jaati hai,
Unka har lafz aankhon se sharara ban kar,

Aur sab toot gayin cheezen khilono ki tarha,
Ek yaaqin saath mein rehta hai sahara ban kar,

Tum rahoge is chhoti si zameen tak mehdud,
Hum to chamkeinge aik roaz sitaraa bann kar